Lefra Produksies bied met trots aan:

‘N SKATKIS VAN UIT ONS MUSIEKVERLEDE”

Stephanie Baartman bring hulde aan SA se ikoniese sangeresse. ’n Viering van die vrouestemme wat Suid-Afrika gevorm het!

VAN MIRIAM MAKEBA, PJ POWERS TOT LAURIKA RAUCH EN SONJA HERHOLDT

DEUR: FRANS SWART EN STEPHANIE BAARTMAN

MET: STEPHANIE BAARTMAN EN CHANIE JONKER OP KLAVIER

MUSIEKREGIE: CHANIE JONKER | REGIE: FRANS SWART

AFRIFORUM TEATER, GREENLYN VILLAGE-SENTRUM, HOEK VAN THOMAS EDISON EN DERTIENDESTRAAT, MENLOPARK, PRETORIA

SONDAG, 2 AUGUSTUS @ 15:00

BESPREEK BY WWW.AFRIFORUMTEATER.CO.ZA

Lefra Produksies bied met trots ’n Skatkis uit ons Musiekverlede aan – ’n ontroerende en nostalgiese musiekreis wat gehore sal meevoer op die klanke van ons gedeelde verlede. Met die veelsydige en betowerende sangeres Stephanie Baartman aan die stuur, en die uitnemende pianis en musiekregisseur Chanie Jonker langs haar, word hierdie produksie ’n intieme maar kragtige huldeblyk aan die liedjies – en veral die vroue – wat die Suid-Afrikaanse musieklandskap oor dekades heen help vorm het. Onder die bekwame regie van Frans Swart ontvou ’n musikale “skatkis” waarin ikoniese melodieë en stories weer tot lewe kom. Die produksie besoek die AfriForum Teater in Pretoria op Sondag, 2 Augustus om 15:00. Vir besprekings, besoek gerus www.afriforumteater.co.za. Die produksie word aangebied in samewerking met die AfriForum Teater en die trotse ondersteuning Ambassador Execudrive, Britz Couriers & Removals, Feeste.net, Hollywood Costumes, LekkerFM, LTickets, Lift Airlines, Mannah Gastehuis en Konferensiesentrum, Mobilis Auto, RSG, Shereno Drukkers en Van Loveren-wyne.

’n Skatkis uit ons Musiekverlede bring hulde aan die vrouestemme wat lank vóór ons as een nasie saamgesnoer is, mense oor kleur- en klankgrense heen verbind het, en ’n gedeelde kultuurerfenis help bou het. Deur ’n keur van ikoniese liedjies – van die wêreldklanke van Miriam Makeba (Mama Africa), PJ Powers, Mango Groove, Barbara Ray tot die geliefde Afrikaanse treffers van Laurika Rauch, Rina Hugo, Karen Zoid en Sonja Herholdt – word ’n ryk tapisserie van herinneringe, emosie en humor geskep. Hierdie produksie vier nie goud of juwele nie, maar die ware skat van Suid-Afrika: sy stories, sy mense en sy musiek.

Stephanie Baartman is ’n gevestigde naam in die Suid-Afrikaanse vermaaklikheidsbedryf. Sy het vir die eerste keer nasionale aandag getrek as deelnemer aan die derde seisoen van Supersterre in 2010, en het sedertdien gehore bekoor met haar fluweelstem en opregte verhoogteenwoordigheid. Haar vermoë om emosie deur musiek oor te dra, maak haar ’n besondere vertolker van die liedjies wat in hierdie produksie hul regmatige plek vind.

Benewens haar sangloopbaan, is Stephanie ook ’n bekende aktrise op televisie en verhoog. Sy is tans te sien as Lettie in Diepe Waters, en baie kykers sal haar onthou as Bibi in Getroud met Rugby. Hierdie boorling van Humansdorp, wat haar dramagraad aan die Tshwane Universiteit vir Tegnologie verwerf het, is ’n kunstenaar in hart en siel – ewe tuis in teater, televisie, stemwerk en radio. Haar eerste liefde bly egter musiek, en haar veelsydigheid strek oor genres soos Afrikaans, Engels, jazz, gospel en country. Sy bring nie net tegniese vaardigheid na die verhoog nie, maar ook ’n diep menslikheid wat elke uitvoering uniek maak.

Aan die klavier sit Chanie Jonker, ’n uiters bekwame en klassiek-opgeleide pianis wat haar BMus-graad cum laude aan die Universiteit van Pretoria voltooi het. Met verdere diplomas van UNISA en die ABRSM in die Verenigde Koninkryk, het sy haarself gevestig as een van die land se voorste begeleiers en musiekregisseurs. Haar musikale reis strek oor verskeie genres – van klassiek tot jazz en kontemporêr – en sy het reeds saam met bekende kunstenaars soos Jannie du Toit, André Schwartz en Nadia Beukes opgetree. As musiekregisseur bring sy ’n fyn aanvoeling vir detail en ’n diep begrip van musikale storievertelling na hierdie produksie.

Die samewerking tussen Stephanie Baartman, Chanie Jonker en regisseur Frans Swart is reeds ’n bewese sukses. Hulle het saamgewerk aan die bekroonde huldeblykproduksie Gé Sing: Hoor my Lied, waaruit die oorspronklike lied Ons Gé ontstaan het – geskryf deur Frans Swart en Chanie Jonker, en met groot deernis deur Stephanie vertolk. Die lied het gehore landswyd geraak en is later professioneel opgeneem ná oorweldigende aanvraag. Hierdie kreatiewe vennootskap getuig van ’n gedeelde passie vir Suid-Afrikaanse musiek en ’n besondere vermoë om emosie en erfenis op die verhoog vas te vang.

Moenie hierdie besondere huldeblyk misloop nie – ’n musikale ervaring wat die hart raak en die siel voed. ’n Skatkis uit ons Musiekverlede is ’n viering van waar ons vandaan kom, en ’n herinnering aan die krag van musiek om ons altyd weer bymekaar te bring. Die produksie besoek die AfriForum Teater in Pretoria op Sondag, 2 Augustus om 15:00. Vir besprekings, besoek gerus www.afriforumteater.co.za.

NOTA AAN REDAKTEURS:

1.            Lefra Produksies doen in 2026 steeds gestand aan hul leuse “Lefra vermaak Suid-Afrika”! ‘n Skatkis uit ons Musiekverlede is ’n ontroerende en nostalgiese musiekreis wat gehore sal meevoer op die klanke van ons gedeelde verlede. Met die veelsydige en betowerende sangeres Stephanie Baartman aan die stuur, en die uitnemende pianis en musiekregisseur Chanie Jonker langs haar, word hierdie produksie ’n intieme maar kragtige huldeblyk aan die liedjies – en veral die vroue – wat die Suid-Afrikaanse musieklandskap oor dekades heen help vorm het. Besprekings vir die vertoning kan aanlyn by www.afriforumteater.co.za gedoen word, of deur Lefra te skakel by 011 815 3000.

2.            Ons doen graag lesers- of luisteraarskompetisies vir die openingsaand. Indien julle van ons kompetisielyn gebruik wil maak, sien asseblief die onderstaande inligting. Ons sal die wenners trek en kontak, en dan die besonderhede deurgee vir publikasie:

WEN KAARTJIES NA “’N SKATKIS UIT ONS MUSIEKVERLEDE” MET STEPHANIE BAARTMAN BY DIE AFRIFORUM TEATER IN PRETORIA!

Drie lesers/luisteraars kan elkeen ‘n dubbelkaartjie wen na “’n Skatkis uit ons Musiekverlede” by die AfriForum Teater in Pretoria op Sondag, 2 Augustus om drie-uur. Om deel te neem aan [PUBLIKASIE/RADIO/TV TITEL] en Lefra se kompetisie, kan jy die volgende na 37338 SMS: SKATKIS, [PUBLIKASIE, RADIO, TV], dan JOU NAAM EN VAN, EPOS en dan JOU STAD OF DORP. Dieselfde inligting kan ook per epos gestuur word aan wen@lefra.com met LEFRA & [PUBLIKASIE] SKATKIS KOMPETISIE as onderwerp. Wenners sal per epos gekontak word en die beslissing van die Organiseerders is finaal. As voorbeeld: Skatkis Huisgenoot Piet Pompies piet@pompies.co.za Hoopstad.

3.            Vir onderhoude kontak gerus vir Charl Senekal by 011 815 3000/061 616-6138 of epos aan admin@lefra.com.

Uitgereik deur Lefra Produksies

Medianavrae: Charl Senekal | Tel: 011 815 3000 | Sel: 061 616 6138 | E-pos: admin@lefra.com

Charl Senekal
admin@lefra.com
011 815 3000
Lefra Produksies
http://www.lefra.com