Grotman kuier by die Oppiland Fees

Die Grotman

Die Oppiland Fees word by die Stable Inn Konferensiesentrum in Springs aangebied van 24-26 Junie.

DIE GROTMAN KUIER BY DIE OPPILAND FEES
LEFRA PRODUKSIES BIED AAN:
GROET DIE GROTMAN 2 MET PHILLRU VAN ACHTERBERGH
TEKS EN REGIE: FRANS SWART
OPPILAND FEES – STABLE INN KONFERENSIESENTRUM, SPRINGS
SATERDAG, 25 JUNIE 2022 OM 11:00 – BIG SIX TEATER
BESPREKINGS: 011 815 3000 OF WWW.LTICKETS.CO.ZA
MEER INLIGTING: WWW.GROTMAN2.CO.ZA
OUERBEGELEIDING (PG 16)

Die Grotman kuier by die Oppiland Fees wat van 24 tot 26 Junie 2022 by die Stable Inn Konferensiesentrum aangebied gaan word. GROET DIE GROTMAN 2 kan op 25 Junie om 11:00 gesien word in die Big Six Teater op die Stable Inn Perseel. Behalwe vir meer as 30 sangers en kunstenaars, het die Oppiland Fees ook ‘n lekker toneelaanbod. Liewe Heksie speel op 25 Junie om 08:30 en HELENE BESTER SING NANA MOUSKOURI op 26 Junie om 11:00. Feesgangers kan ook hulle eie skilderye saam met kunstenaar Hannelie Swart doen in SKILDER EN WYN OPPILAND op Saterdag, 25 Junie van 10:00-14:00. Alle kunsmateriaal word verskaf. Besprekings kan gedoen word by www.LTickets.co.za of by 011 815 3000. Indien Feesgangers vir enige van die teater- of kunsproduksies bespreek, kry die kaartjiehouer gratis toegang tot die Oppiland Fees vir daardie spesifieke dag en hoef dan nie ekstra kaartjies vir die Fees te koop nie. Meer inligting by www.oppiland.co.za of skakel 011 815 3000. Eposse kan gestuur word aan info@lefra.com

Die Oppiland Fees gaan een van die grootste feeste in die land wees. Op die hoofverhoog, gaan Vrydagaand Rock wees, Saterdag Afrikaans en Sondag Country. Behalwe vir die musiek, gaan Van Loveren Wyne ook ‘n Wynlapa aanbied met gratis wynproeë, daar is ‘n Merry-Go-Round vir die kinders, die Springs DBV bied op die Sondag ‘n Parkrun met jou hond aan, daar is ‘n fiksheidskompetisie op die Saterdag, rofstoei op Saterdag en Sondag en meer as 100 stalletjies. Indien jy ‘n stalletjie wil bespreek, skakel 011 815 3000 of epos aan admin@lefra.com Stalletjies kan ook direk bespreek word by https://www.ltickets.co.za/gravity-forms-parent/lefra-productions-stall-booking-oppiland/

Dit is twintig jaar later. Grotman en Elize is steeds gelukkig getroud … of is hulle? Die kinders is tieners met hul eiesoortige uitdagings. Grotman het sy rookseine verruil vir WhatsApp-boodskappe, eposse, iPhones, Facebook, Twitter en aanlynkonserte. Die verskille tussen Mans en Vrouens is steeds daar, want mans is steeds van Mars en vrouens van Venus. In Groet die Grotman 2 word die verskille tussen mans en vrouens op komiese wyse uitgebeeld deur Grotman Phillru van Achterbergh. Frans Swart het die teks geskryf en hanteer ook die regie. Groet die Grotman 2 word met die trotse ondersteuning van RSG, Crown National, die tuiste van Six Gun Grill, Hollywood Costumes, Van Loveren Wyne, Britz Couriers and Removals, Ambassador Execudrive en Lift aangebied.

Vrouens is steeds die gaarders (veral van nuttelose inligting!) en mans steeds die jagters (van ‘n bok tot ‘n televisieprogram). “Mans en vrouens lag vir mekaar in Groet die Grotman 2 en dis juis wat hierdie produksie so gewild en sterk maak” sê skrywer en regisseur Frans Swart. “Mens kan amper sê ons doen huweliksberading op ‘n komiese wyse. Die feit dat Grotman sy wêreldjie moet groter maak om by Elize se wêreld aan te pas en die feit dat Elize haar oop wêreld so bietjie nouer moet maak om by Grotman se wêreld uit te kom, sorg vir baie komiese situasies.” Die oorspronklike Groet die Grotman hou steeds die rekord vir die Afrikaanse teaterproduksie wat die meeste vertonings oor die langste tydperk gehad het … meer as 1 000 vertonings oor 10 jaar! Lefra het die Grotman toe vir tien jaar laat rus in sy grot … tjoepstil! “Maar Grotman kon nie net tjoepstil in sy grot bly nie. Hy het te veel stories om te vertel. Phillru van Achterbergh as die Grotmant vertel van meesterbraaiers, slaaie, bouery, handdoeke wat nie gebruik mag word nie en natuurlik oor die slaapkamer!”

Van Achterbergh het Drama en Film aan die Tshwane Universiteit van Tegnologie (TUT) studeer, en word in 2012 die eerste student wat al drie top TUT-toekennings verower onder andere as die Beste Drama Student. Na universiteit maak Phillru sommer dadelik sy buiging op die professionele verhoog met rolle in die kinderproduksie Liewe Heksie en sy eerste Lefra-klug, My Vrou se Man se Lyk se Tas, waar hy die rol van Boris vertolk. Hy maak ook sy verskyning in die klugte My Boetie se Boetie se Baba en Daa’ Gaat die Bruid, en tree op as assistent-regisseur vir My Man se Skelmpie se Skelmpie se Vrou. Hy word ook gesien in Binnelanders in die rol van die dwelmsmous, Clint Erasmus. In 2016 word hy genomineer vir ‘n Naledi-toekenning vir sy rol as Andrè Myburg in die produksie Porselein en wys hy verder sy staal as ernstige akteur in die rol van Benjamin Koemoetie in die verhoogproduksie van Fiela se Kind. Phillru is nie net ‘n akteur nie en in 2017 begin hy sy eie maatskapy, Imagine That! Entertainment. Hy was die skrywer, regisseur en vervaardiger van beide die produksies Die Laaste Mango en Light Warrior wat by Aardklop- en die Wêlakapêla-kunstefeeste te sien was. Hy is ook die mede-eienaar van Sessions Entertainment wat musiektoere reël na Ponta do Ouro en Tofu in Mosambiek en Windhoek en Swakopmund, Namibië, en is ook mede-organiseerder van Bushrock Music Festival in Bela-Bela en die Skopgrond Music Festival by die Roodeplaatdam.

Frans Swart, wat al as die klugkoning van Suid-Afrika bestempel is, het die nuwe teks geskryf wat splinternuwe aksies tot gevolg het. “Die verskille tussen mans en vrouens sal altyd daar wees. Vrouens is gaarders en mans is jagters! Om saam te oorleef moet manne hulle jagterswêreld so bietjie verbreed om by die dames se wêreld in te pas. Die dames moet van hulle kant, weer hulle gaarderswêreld vernou om by die Grotmanne se wêreld uit te kom. Hierdie prosesse sorg vir skaterlagtyd!”

Vrouens … julle gaan julle mans herken in Groet die Grotman 2 en jy kan gerus maar jou man in die ribbes pomp. Meneer, jy gaan beslis jou vrou in Groet die Grotman 2 herken … so wys maar gerus die wysvinger vir Mevrou … net nie die middelvinger nie! Saam gaan mans en vrouens weer heerlik lag en sommer gratis terapie ontvang vir die huwelik. Kom kyk Groet die Grotman 2!

Bespreek nou by www.LTickets.co.za of 011 815 3000. Kaartjies vir GROET DIE GROTMAN 2 gee kaartjiehouers toegang tot die volle Oppiland Fees vir 25 Junie 2022.


BOODSKAP AAN REDAKTEURS:

1.            Ons kan kompetisies vir kaartjies na die Oppiland Fees doen. Hier is die info om te publiseer

a.            WEN KAARTJIES NA DIE OPPILAND FEES!

b.            Drie van ons lesers/luisteraars/lesers kan elkeen ‘n dubbelkaartjie wen om GROET DIE GROTMAN 2 te sien by die Oppiland Fees op 25 Junie om 11:00 in die Big Six Teater op Stable Inn se perseel. Hierdie kaartjies gee jou ook toegang tot die Oppiland Fees vir 25 Junie. Al wat jy hoef te doen, is om die volgende na 43366 te SMS: Wen Grotman ____________________ (media se titel) en dan jou naam en van en epos adres. Wenners sal per epos in kennis gestel word en die beslissing van die Organiseerders is finaal. Wenners sal per epos in kennis gestel word. Standaard SMS-tariewe geld.

c.             Laat weet asb vir Charl by 011 815 3000 of admin@lefra.com as jy ‘n kompetisie loods – dat ons net voorbereid wees

2.            Onderhoude met van die kunstenaars kan gereël word. Skakel net met Charl hieroor by 011 815 3000 of epos hom aan admin@lefra.com


UITGEREIK DEUR: LEFRA PRODUKSIES

MEER INLIGTING
CHARL SENEKAL
TEL: 011 815 3000
SEL: 061 616 6138
E-POS: admin@lefra.com


Charl Senekal
admin@lefra.com
011 815 3000
Lefra Produksies
http://www.oppiland.co.za

Die Grotman
Die Grotman
Liewe Heksie (Ana van Achterbergh) bak koekies.
Liewe Heksie (Ana van Achterbergh) bak koekies.
Liewe Heksie (Ana van Achterbergh), Blommie Kabouter (Debre Rossouw) en Casper Tuindwergie (Phillru van Achterbergh).
Liewe Heksie (Ana van Achterbergh), Blommie Kabouter (Debre Rossouw) en Casper Tuindwergie (Phillru van Achterbergh).